മിടുക്കന്മാരും മിടുക്കികളും

 അര്‍ധവാര്‍ഷികപരീക്ഷയില്‍ എല്ലാത്തിലും എ ഗ്രേഡ് കിട്ടിയ രണ്ടാം ക്ലാസ്സിലെ കുട്ടികളെ അസംബ്ലിയില്‍  അനുമോദിച്ചപ്പോള്‍.തീര്‍ച്ചയായും മറ്റ് കുട്ടികള്‍ക്ക് പഠിക്കാനുള്ള പ്രചോദനമായിരിക്കും.

Study Tour

ഞങ്ങള്‍ തിരുവനന്തപുരം, കന്യാകുമാരി തുടങ്ങിയ സ്ഥലങ്ങളിലേക്ക് പഠനയാത്ര പോകാന്‍ തീരുമാനമായി.ഫെബ്രുവരി ആറിനു പോയി എട്ടിനു മടങ്ങാനാണ്  പ്ലാനിട്ടിരിക്കുന്നത്.കേരളത്തിന്റെ വടക്കേ അറ്റത്തുനിന്നും തെക്കേ അറ്റത്തേക്കുള്ള യാത്ര ട്രെയിനിലാണ്.

പുതുവത്സരാശംസകള്‍......

വാര്‍ഡുതലയോഗത്തില്‍ നിന്ന്

 ഇന്ന് മൂന്ന് മണിക്ക് കുറുമ്പ ഭഗവതി ക്ഷേത്ര സമീപത്തുള്ള അംഗന്‍വാടിയില്‍ ചേര്‍ന്ന വാര്‍ഡ് തല യോഗത്തില്‍ കാസര്‍ഗോഡ് കസബ കടപ്പുറത്തുള്ള ഫിഷറീസ് യു പി സ്കൂളിന്റെ പുരോഗതിക്കായുള്ള ചര്‍ച്ചകള്‍ നടന്നു.ശ്രീമതി.ഉമയുടെ നേതൃത്വത്തിലായിരുന്നു യോഗം സംഘടിപ്പിച്ചത്.യോഗത്തില്‍ സ്കൂള്‍ ഹെഡ്മിസ്ട്രസ് ശ്രീമതി.ഷേര്‍ലി.പി.കെ അധ്യക്ഷയായിരുന്നു.ഭാവിപരിപാടികളെക്കുറിച്ച് ശ്രീ.ജയചന്ദ്രന്‍മാസ്റ്ററും ശ്രീ.രാജീവന്‍മാസ്റ്ററും വിശദമായി സംസാരിച്ചു.മുപ്പതിലധികം പേര്‍ പങ്കെടുത്ത യോഗത്തിന് ശ്രീ.പരമേശ്വരന്‍മാസ്റ്റര്‍ നന്ദി പറഞ്ഞു.

ഇന്ന് ഞങ്ങള്‍ക്ക് പഴം കിട്ടി...

സാധാരണ ഞങ്ങള്‍ക്ക് കോഴിമുട്ടയാണ് തരാറുള്ളത്.എന്നാല്‍ ഇന്ന് പഴമാണ് തന്നത്.മണ്ഡലമാസമായതുകൊണ്ടും പക്ഷിപ്പനി നിലവിലുള്ളതുകൊണ്ടുമാണ് ഇത്തവണ പഴം നല്‍കിയതെന്ന് മനസ്സിലായി.

അണ്ണാന്‍കുഞ്ഞും തന്നാലായത്....

കുട്ടികള്‍ നട്ടുവളര്‍ത്തിയ പയറുചെടിയില്‍ നിന്നു ഇന്നുകിട്ടിയ പയര്‍ കഞ്ഞിപ്പുരയിലേക്ക് കൊണ്ടുവന്നപ്പോള്‍.....

സൗജന്യനേത്രപരിശോധനയില്‍ കണ്ണട ലഭിച്ചവര്‍

 ഇന്ന് കണ്ണട വിതരണം ചെയ്തു.നാലു കുട്ടികള്‍ക്കാണ് ഡോ.ഗണേഷ് മയ്യ കണ്ണട സൗജന്യമായി നല്‍കിയത്.ഡോ.ഗണേഷ് മയ്യയോടും കാസര്‍ഗോഡ് ലയണ്‍സ് ക്ലബ്ബിനോടുമുള്ള നന്ദി അറിയിക്കുന്നു.