സാഹിത്യക്വിസ്സ്

ഏഴാം ക്ലാസ്സിലെ മലയാളം പഠിക്കുന്ന കുട്ടികള്‍ക്കായി മലയാളസാഹിത്യക്വിസ്സ്  നടത്തി.സാഹിത്യനായകന്മാരെക്കുറിച്ച് അറിവുനേടാനും വായനയെ പ്രോത്സാഹിപ്പിക്കുവാനും ഇത്തരം മത്സരം കൊണ്ട് സാധിക്കും.ശ്രീമതി.ബിന്ദു.സി.ടിയാണ് മത്സരത്തിന് നേതൃത്വം കൊടുത്തത്.

സാക്ഷരംക്ലാസ്സ്

 സാക്ഷരം ക്ലാസ്സിലെ ചില ദൃശ്യങ്ങള്‍.എല്‍.പി, യു.പി തലങ്ങളില്‍ സാക്ഷരം ക്ലാസ്സ് സമയബന്ധിതമായി തന്നെ പുരോഗമിക്കുന്നുണ്ട്.

പൂച്ചെടികളും മറ്റും

 സ്കൂള്‍ തോട്ടത്തില്‍ കഴിഞ്ഞ ദിവസങ്ങളില്‍ നട്ട വെണ്ട, പയര്‍, ചീര തുടങ്ങിയ ചെടികള്‍ മുളച്ചുതുടങ്ങിയപ്പോള്‍ കുട്ടികള്‍ക്കും അധ്യാപകര്‍ക്കും ഇതുവരെയില്ലാത്തൊരാഹ്ലാദം. വാഴ കുലച്ചു. പപ്പായചെടിയില്‍ കായ പിടിക്കാന്‍ തുടങ്ങി.ആവേശത്തോടെ സ്കൂള്‍ കോമ്പൗണ്ടിനകത്തുള്ള പൂച്ചെടികളും പച്ചക്കറിച്ചെടികളും സംരക്ഷിക്കാന്‍ കുട്ടികളും മറ്റും രംഗത്തുണ്ട്.

സ്കൂള്‍ കലോത്സവം

17-10-2014 വെള്ളിയാഴ്ച വിവിധ മത്സരപരിപാടികളോടെ സ്കൂള്‍ കലോത്സവം നടത്താന്‍ തീരുമാനിച്ചു.
കുട്ടികളും അധ്യാപകരും പരിപാടി ഭംഗിയായി നടത്തുന്നതിലുള്ള ഒരുക്കത്തിലാണ്.

സമ്മാനദാനം

ഇന്നത്തെ അസംബ്ലിയില്‍ വിവിധ പരിപാടികളില്‍ സ്കൂള്‍ തലത്തില്‍ വിജയിച്ചവര്‍ക്ക് സമ്മാനമായി പുസ്തകങ്ങളും പഠനോപകരണങ്ങളും നല്‍കി.ദേശാഭിമാനി അക്ഷരമുറ്റം ക്വിസ്സില്‍ സ്കൂള്‍തലത്തില്‍ വിജയിച്ച് സബ്‌ജില്ലാതലത്തില്‍ പങ്കെടുത്തവരില്‍ മൂന്നാംക്ലാസ്സിലെ ജ്യോതിയും നാലാംക്ലാസ്സിലെ പ്രീതികൃഷ്ണയും അവിടെയും  അവസാനറൗണ്ട് വരെ നല്ലനിലവാരത്തില്‍ പ്രകടനം കാഴ്ചവെച്ചു.
            സാമൂഹ്യശാസ്ത്രക്ലബ്ബിന്റെ ആഭിമുഖ്യത്തിലും ചിലമത്സരങ്ങള്‍ നടത്തുകയുണ്ടായി.ഏഴാംക്ലാസ്സിലെ രണ്ടു ഡിവിഷനുകളിലും പതിപ്പുകളും മറ്റും തയ്യാറാക്കിയ കുട്ടികളെ പ്രോത്സാപ്പിക്കുന്നതിനായി ശ്രീ.ജയചന്ദ്രന്‍ മാസ്റ്റര്‍ സമ്മാനങ്ങള്‍ നല്‍കി.

പിറന്നാള്‍ മധുരം

ഇന്ന് അഞ്ചാംക്ലാസ്സിലെ എല്‍.ലക്ഷ്മിപ്രീയയുടെ പിറന്നാള്‍ ആയിരുന്നു.കൂട്ടുകാര്‍ക്കും അധ്യാപകര്‍ക്കും പിറന്നാള്‍മധുരമായി ചോക്ലേറ്റും സ്കൂള്‍ ലൈബ്രറിയിലേക്ക് നല്ല ഒരു പുസ്തകവും നല്‍കി.അസംബ്ലിയില്‍ അവള്‍ക്ക് പിറന്നാള്‍ ആശംസയും നേര്‍ന്നു.

ഗാന്ധിജയന്തി

വിവിധ പരിപാടികളോടെ ഗാന്ധിജയന്തി സമുചിതമായി ആഘോഷിച്ചു. അധ്യാപകരും കുട്ടികളും ചേര്‍ന്ന്  സ്കൂളും പരിസരവും ശുചിയാക്കി.