കടലേറ്റം: 24 കുടുംബങ്ങളെ മാറ്റി
Posted on: 10 Aug 2014
കാസര്‍കോട്: കടലേറ്റം രൂക്ഷമായതിനെത്തുടര്‍ന്ന് കസബ മത്സ്യഗ്രാമത്തിലെ അടുക്കത്ത് ബയലിലെ 24 കുടുംബങ്ങളെ മാറ്റിപ്പാര്‍പ്പിച്ചു. ഫിഷറിസ് യു.പി. സ്‌കൂളിലേക്കാണ് കുടുംബങ്ങളെ മാറ്റിയത്. ഇവര്‍ക്ക് ഭക്ഷണവും ചികിത്സാസൗകര്യവും ഏര്‍പ്പെടുത്തുന്നതിന് കളക്ടറുടെ നേതൃത്വത്തില്‍ നടപടി സ്വീകരിച്ചു. കഴിഞ്ഞ രണ്ടാഴ്ചകൊണ്ട് നൂറുമീറ്ററോളം കരയാണ് കടലെടുത്തത്. നൂറിലധികം തെങ്ങുകളും നിരവധി കാറ്റാടിമരങ്ങളും കടലേറ്റത്തില്‍ കടപുഴകി. 40 വര്‍ഷം മുമ്പ് നിര്‍മിച്ച കടല്‍ഭിത്തി പൂര്‍ണമായും തകര്‍ന്ന നിലയിലാണ്. എന്‍.എ.നെല്ലിക്കുന്ന് എം.എല്‍.എ, കളക്ടര്‍ പി.എസ്.മുഹമ്മദ് സഗീര്‍, ജനപ്രതിനിധികള്‍ തുടങ്ങിയവര്‍ പുനരധിവാസ പ്രവര്‍ത്തനത്തിന് നേതൃത്വംനല്‍കി
No comments:
Post a Comment